كيف تستخدم ملفوظ
من الشراء لأول كلمة تكتبها بصوتك. خمس خطوات، ما تحتاج خبرة.
اشترِ واحفظ المفتاح
بعد الدفع بيطلع لك مفتاح التفعيل على الصفحة، ويوصلك على إيميلك. انسخه واحفظه قبل ما تسكّر الصفحة.
حمّل ونزّل ملفوظ
اختر ماك أو ويندوز من صفحة التحميل. على الماك، اسحب ملفوظ لمجلد التطبيقات. على ويندوز، شغّل المثبّت.
الصق المفتاح
أول ما تفتح ملفوظ بيطلب المفتاح. الصقه واضغط «تفعيل». المفتاح يشتغل على جهاز واحد فقط.
اختر نموذج الصوت
افتح «النماذج»، اختر العربية من القائمة، ونزّل النموذج اللي يناسبك. النموذج السريع ٤٧٢ ميجابايت، والأدق ١٫٥ جيجابايت. يُحمَّل مرة وحدة، وبعدها ملفوظ يشتغل بدون نت.
اضغط الزر وتكلّم
من «عام» تشوف زر التسجيل، وافتراضياً هو زر fn. اضغط عليه واستمر ضاغط، تكلّم، وارفع إصبعك. الكلام ينكتب وين ما كان المؤشر، في أي برنامج.
تبي تنقله لجهاز ثاني؟
افتح الإعدادات، اضغط «إلغاء التفعيل من هذا الجهاز»، وبعدها الصق نفس المفتاح في الجهاز الجديد.
محتاج مساعدة؟
راسلنا وبنرد عليك: [email protected]